Ramón Cabanillas 2

Camiño longo

Camiño, camiño longo,
camiño da miña vida,
escuro e triste de noite,
triste e escuro de día...
¡camiño longo
da miña vida !

Vereda, vereda torta
en duras laxes aberta,
arrodeada de toxos,
crebada polas lameiras...
¡vereda torta,
ti onde me levas!

Camiño, camiño longo.
A choiva, a neve e as silvas
enchéronme de friaxe,
cubríronme de feridas...
¡camiño longo
da miña vida !

Vereda, vereda fonda
de fontes tristes, sen ágoa;
sen carballos que den sombra,
nin chouzas que den pousada...
¡vereda fonda,
ti cando acabas!

"Vento Mareiro", Ramón Cabanillas 

(Ramón Cabanillas nasceu no dia 3 de Junho de 1876. Morreu em 1959.)