sábado, 31 de março de 2018

Pura Vázquez 3

Gaivota gris e branca pisa o mar.
Ave ceibe en remota luz voando
conxugada co azul e as caracolas.

Paxaro que en bandadas te proiectas
avizor fermosísimo dos mares.
Xogas coas cristas de escumantes ondas,
corpos lixeiros. Vóos verticais.

Choutas pola amorosa liberdade
das soedades abertas cara os ceos.
[Aves ditosas fronte e un mar grisallo
de sámagos abríndose en magnolias].

Raíña dos rochedos e das praias.
Pescadoira nas calas que o mar bate.
Crávaste nos espellos que te cegan,
onde enredan os peixes descoidados...

"Man que Escribiu no Mar", Pura Vázquez

(Pura Vázquez nasceu no dia 31 de Março de 1918. Morreu em 2006.)

Sem comentários:

Enviar um comentário