sexta-feira, 24 de julho de 2020

Víctor Campio Pereira 2

Lección de Historia

Zai, o fillo de Cronos e de Xea,
nacido a contraparto
de amor, contra natura,

Zai, o xénito espurio,
o desherdado,
criado a biberón con leite en po
de aldraxes e inxustizas,

Zai, o irmán estragado,
o triste,
o ilota,
o paria,

medrou a golpe humano, alzado en odio,
medrou, medrou, medrou...Multiplicouse
por mares e por ceos e fronteiras,
chegou ás frías terras do Solpor
e prantou con asaño unha flor negra
na alta Babel do mundo.

Agora Xea e Cronos
locen no corazón, aterrecidos,
un caravel de sangue
medrado a golpe humano de ardua historia.


Víctor Campio Pereira 

(Víctor Campio Pereira nasceu no dia 15 de Julho de 1928. Morreu no dia 24 de Julho de 2018.)

Sem comentários:

Enviar um comentário