Florentino López Cuevillas 4

No val esperta a vida de todos os días. Saen dos curros berros de animaes, e voces humás que chaman. Polo camiño que ven do lugar, rube cara á citania un carro cantarín.

"Prosas Galegas", Florentino López Cuevillas

(Florentino López Cuevillas nasceu no dia 14 de Novembro de 1886. Morreu em 1958.)

Florentino López Cuevillas 3

Amañece. A alma de Lovesio vaise facendo azul, azul deica confundírese co brando azul da amencida. A alma de Crutamo, roxa e ardente, corre a refuxiarse ao pé dun penedo, e supetamente entra nel. O penedo ponse tamén roxo, e durante algún tempo brilla como fanalacea.

"Prosas Galegas", Florentino López Cuevillas

(Florentino López Cuevillas nasceu no dia 14 de Novembro de 1886. Morreu em 1958.)

Florentino López Cuevillas 2

Alcendeu-me o berro de loita que chegou a min. Ós dous alcendeu-nos o mesmo berro, mais o noso lume é de cada día, menos o noso lume. Denantes, cando algún estímulo nos fería, ti e mais eu eramos dúas fogueiras roxas. Agora, a nosa luz asemella-se á que sai do ventre do verme, porque de cada día ti e mais eu somos menos dista terra.

"Prosas Galegas", Florentino López Cuevillas

(Florentino López Cuevillas nasceu no dia 14 de Novembro de 1886. Morreu em 1958.)

Florentino López Cuevillas

A noite pousou-se xa sobre o cumio aplainado da citania. Abaixo, no val, a vida de todos os días non estiñou aínda. Ouce-se o ledo latricar dun fato de mozos que van a tuna, e, como ollos de vellas curiosas, as luciñas das casas queren furar nas trebas.

Un aturuxo agudo e bravo, rube cara o ceo retorcendo-se no ar; e naquil intre ven-se locir no foso meio atuado da citania dous lumes discretos e azuados que, paseniñamente, van achegando-se deica confundir-se nun soio lume. Son as almas heroicas de Lovesio e de Clutamo, vellos soldados que viviron, alá, nos tempos das vellas paganías. Confundidas e apreixadas as dúas almas, empezan a parolar na fala sen falas que usan os mortos.

"Prosas Galegas", Florentino López Cuevillas

(Florentino López Cuevillas nasceu no dia 14 de Novembro de 1886. Morreu em 1958.)