Francisco Cortegoso 4

Derrida

falar con Derrida en soños
mentres me embebía o delirio do cisne macho chegada a época de
apareamento
puido ter sido
certamente
este verso
o achegamento pausado á erótica do falo
a erección sobre o poema do meu Nome
e a necesidade do suicidio
ante a ameaza de sublimación do espírito
- hipócrita charlatán que
sempre lles fala de min
e na verdade
falar con Derrida en soños
puido ter sido
altamente erótico

"Memorial e Danza", Francisco Cortegoso

(Francisco Cortegoso nasceu no dia 17 de Agosto 1985. Morreu no dia 5 de Outubro de 2016.)