Eduardo Moreiras 3

Os pobos

Uns pobos son coma froles,
outros coma pedras quentes ao sol.

Velahí o deserto,
ise mar de roxos fresós de pedras.

Alí durmen pobos, mitos, imperios,
coma roseiras que ninguén viu cair.
As mulleres, cando raiñas,
daban tesouros por unha frauta triste.

Outros pobos son de neve,
alongados no silencio do mundo:
os bosques muxen tremosos no vento.

Ao Leste a Rusia nasce
cunha frol de sangue no costado,
e ao Ueste
o Americán da pradeira
ergue a morte sorrindo, impasibel.

Mais iste pobo naso
durme na festa da vida,
os pés núos na mar verdeceira,
a testa firme no ceo
antre montañas.

Os deuses fuxiron das suas enciñeiras.

Iste pobo vello
baixou do alto pala corredoira do tempo
rindo e soñando ca seu destino.

Eduardo Moreiras

(Eduardo Moreiras nasceu no dia 3 de Janeiro de 1914. Morreu em 1991.)