Ramiro Fonte

Vita nuova

(páxina de diario)

Deixar que o solpor morra co seu ritmo

de imposible navío ou de rapaza

e descifre o remate da novela.

Beber na noite os seus licores lenes

e brindar cos amigos nesa copa

escura que nos ata á mesma causa.

Escribir algún verso que a fortuna me dicte

e nalguna hora acaso como esta,

mollada na lembranza, perseguir

sen pintalos nos lenzos,

certos corpos amados.

"As Cidades do Nada", Ramiro Fonte 

(Ramiro Fonte nasceu em 1957. Morreu no dia 11 de Outubro de 2008.)