Federico García Lorca 5

Canzón de cuna pra Rosalía Castro, morta

Érguete, miña amiga,
que xa cantan os galos do día!
Érguete, miña amada,
porque o vento muxe, como unha vaca!

Os arados van e vên
dende Santiago a Belén.

Dende Belén a Santiago
un anxo ven nun barco.
Un barco de prata fina
que trai a door de Galicia.

Galicia deitada e queda
transida de tristes herbas.
Herbas que cobren teu leito
e a negra fonte dos teus cabelos.
Cabelos que van ao mar
onde as nubens teñen seu nídio pombal.

Érguete, miña amiga,
que xa cantan os galos do día!
Érguete, miña amada,
porque o vento muxe, como unha vaca! 

"Seis Poemas Gallegos", Federico García Lorca

(Federico García Lorca nasceu no dia 5 de Junho de 1898. Morreu em 1936.)