Ángel Lázaro 2

Anque sempre che cantéi,
e sempre estuviches, terra,
presente n’as miñas cousas
escritas en’a outra lengoa;
anque toda esta paixaxe
d’o corazón que te lembra
dichesmo ti, e de lembrarte
foi miña rima primeira,
nunca coma hastra d’agora
ándasme n’o peito, e a testa...
¡Qué traballo dá encontrar
Aquelo que está máis cerca!

"Lonxe", Ángel Lázaro

(Ángel Lázaro Machado nasceu no dia 27 de Janeiro de 1900. Morreu em 1985.)

Lorenzo Varela

Compañeiros da miña xeración mortos ou asesiñados

¡Tan doce era a xuntanza miña e vosa,
de todos nós co mundo!
Facíamos un feixe de campos e de estrelas,
e ó pisar ise chao que latexaba
sentíamos subir pola sangue o misterio.
O noso corpo era o camiño da maxia,
a escada pola que viña a lúa,
o zume de todol-os segredos,
a canzón da herba que resucitóu.
E o mismo verme era unha folla leda,
un mensaxeiro do sagrado alén.

Morréchedes, matáronvos, deixáronme.
Quedéi eiquí, lonxe das vosas sombras.
E gardo, coma un morto,
no centro do silenzo, da sede, da agonía,
o día que vos poda levar á sepultura
unha cesta de pombas e mazás.
¡Tan doce era a xuntanza miña e vosa,
de todos nós co mundo!

"Lonxe", Lorenzo Varela

(Lorenzo Varela nasceu no dia 10 de Agosto de 1916. Morreu em 1978.)