Proceso do propio extravío
Logo de que un acepta
a sordidez do silencio como cilicio
un frío de abisal azul invade a alma
e como un incansable atleta
o tempo alanca polas datas
deixándonos unicamente na lembranza
días de barro
e cantos de paxaros rotos
E perdida xa a consciencia
de cando foi cedo
nesta absurda travesía
non somos quen de comprender
por que no espello
o propio reflexo
nos resulta cada vez
máis lonxano e máis alleo
"Catro Poemas Soltos (Escorzo de Sombras e Ausencias)", Isidro Novo
(Isidro Novo nasceu no dia 5 de Outubro de 1951. Morreu em 2018.)