Á alborada
¡Ay, miña pequeniña!
¡Qu'ollos bonitos tés! ¡Qué briladores!
¡Case salta á alma miña,
E vendo os teus colores,
Ver me parece todos os amores!
Agora qu'a alborada
Os dulces paxariños xa cantaron,
E d'a fresca orballada,
N'as perlas os ramiños se pintaron,
Agora ¡que diviños
Brillaran os teus ollos cristaliños!
¡Ay! asoma esas luces,
Asoma á esa ventana, miña hermosa;
Tú que sempre reluces
Con alas máis lustrosa
Qu'á Luna, cando nace silenciosa.
Verásme aquí cantando,
Xunto estas augas craras, estas penas,
Verásme aqui agardando
Que se rompan as lúgubres cadenas
D'a noite que m'aparta
De quén nunca alma miña se véu farta.
[...]
Nicomedes Pastor Díaz
(Nicomedes Pastor Díaz nasceu no dia 15 de Setembro de 1811. Morreu em 1863.)
Sem comentários:
Enviar um comentário