Canta o carro no camiño;
chía o chasco no biouteiro;
os bois andan amodiño,
i o larchán do carreteiro
apreta
a
bota
do
viño,
que fai no ar un regueiro,
que fai no ar un regueiro,
e vai cantando baixiño.
"N-hai carro máis cantareiro,
nin bois
con máis
sentidiño,
nin mozo con aloumiño
com-â diste carreteiro"
Canta o carro;
bois adiante;
voa
o chasco
garruleiro.
Hai na tarde
un concertante
con
canto
do carreteiro.
Xosemaría Pérez Parallé
Sem comentários:
Enviar um comentário