Anne Marie Morris 4

Ceibe

Quero ficar ceibe
pra correr cô vento
pra enredar meus cabelos nas estrelas

Quero ir na noite
pra bailar no luar
nas orelas do mar escumante

Quero cantar nas sombras
cantares moi tristes
encol dos vellos amores
que deixéi algures no pasado

Perciso de perdel-o mundo
Perciso de voar no ceo
Cediño os momentos chegaron
de andar no fondo do mar

Quero ficar ceibe
pra correr cô vento
pra enredar meus cabelos nas estrelas

"Voz Fuxitiva", Anne Marie Morris

(Anne Marie Morris nasceu no dia 30 de Maio de 1916. Morreu em 1999.)

Anne Marie Morris 3

Inda

Coido vel-a túa cara,
cara queridiña,
vagando nos meus soños.

Polas noites,
cal nebrina,
tí me chegas
inda.

En cada soño,
cada noite,
tí me chegas
inda.

"Voz Fuxitiva", Anne Marie Morris

(Anne Marie Morris nasceu no dia 30 de Maio de 1916. Morreu em 1999.)

Anne Marie Morris 2

Ensoños fora dos ensoños

Soños,
ensoños fora dos ensoños...
hastra que ti me apañache
nos teus brazos
e todol-os meus ensoños
foron espallándose
polos camiños

"Voz Fuxitiva", Anne Marie Morris

(Anne Marie Morris nasceu no dia 30 de Maio de 1916. Morreu em 1999.)

Anne Marie Morris

(Á língua galega)

Marmurio.
Movimento de prata.

O vento errante
zoa no luar.

Voz fuxitiva
nun río perdido
chorando
camiño do mar.

"Voz Fuxitiva", Anne Marie Morris

(Anne Marie Morris nasceu no dia 30 de Maio de 1916. Morreu em 1999.)