Francisca Herrera Garrido 4

Agoiros

[...]
¡Meu Santiño! N-estas dúbitas,
Choro á tar'e-á mañá!
Se pranto-unhas roseiriñas,
Coido que se muscharán:

Se me ruibea-un cabelo,
¡Mento que vou a acanar!
S'a miña pomba me bica,
Penso: ¿Canto vivirás?

¿Cando-estoupar'a disgracia
Que me vai desconxuntar,
E tanto n'os frós me pesan
Suas agoirentas siñals!

¡Rógoche co-as maus xuntiñas!...

S'ha de vir... ¡Que veña xa!
Será-unha coita, soliña,
A que teña que chorar!...

E hoxe choro cantas poden
Caber n'unha eternidá!...

E-outra vez os cans oubean!...
Meu santo... ¡Non podo mais!

"Almas de Muller... ¡Volallas na Luz!",  Francisca Herrera Garrido

(Francisca Herrera Garrido nasceu no dia 6 de Março de 1869. Morreu em 1950.)

Francisca Herrera Garrido 3

Agoiros

[...]
Po-la miña vida, tembro:
Tembro po-la dos meus pais!
¡Os meus velliños d'a y-alma!
¿Os vou a perder, cicais!
 
¿Teremos que pasar fame!
Meu mozo... ¡m'esquecerá!
Roupiña que vou faguendo,
Con tantos icos e afáns...
 
¿Non te lucirei n'a boda?
¿O couce t'encetará,
Sen qu'a-o meu lombo te bote!
¿Morrerei en soledad,
 
Velliña, prob'é solteira!...
¡Arrenega, demo-atrás!...
Qué cucos, nin qu'abeleiras,
Nin que agoirizar de cans,
 
Poden facer tal desmoche?
Vella e probe... ¡mália tal!
Pro perder os meus amores...
¡Velos n'outra-entronizar,
  
E quedar-eu sen homiño!...
¡A millor moza de Xaz!...
¡Esto, non; San Antoniño.
(Mais ben serán outros mals...)
 
Racharáseme-a mantilla
Qu'hei d'estrenar n'o San Xoan:
Os aretes qu'el mercoume,
Con pedriñas de coral...
 
¿Ou morrerán as papuxas
Que pillou n'o abeneiral,
O día que concertamos
Ántes d'outono, casar?
[...]

"Almas de Muller... ¡Volallas na Luz!",  Francisca Herrera Garrido

(Francisca Herrera Garrido nasceu no dia 6 de Março de 1869. Morreu em 1950.)

Francisca Herrera Garrido 2

Agoiros

Tres presentimentos tiven,
Qu'acóranm'o curazon:
¡San Antoniño querido!...
¿Que vento m'os aparou!

Unh'avelaiña moura,
Pousada n-o cabezal:
O cuco, que cuqueaba
Moi cedo, aló, no cental,
 
Y-escoiteino, inda en aunas:
(Non digamos sen pecar,
Pro dinantes qu'o meu corpo,
Probase bocao de pan.)
 
E logo, chegand'a noite
O can de Pepe d'Anton,
Duas veces oubeou morte
Nas fendiñas do porton!
 
Teñ'o corpo-afervoado:
Nin unha xeira, dormin!
¿Cal ser'a coita d'as coitas,
Que vai s'abater en mín!
[...]

"Almas de Muller... ¡Volallas na Luz!",  Francisca Herrera Garrido

(Francisca Herrera Garrido nasceu no dia 6 de Março de 1869. Morreu em 1950.)

Francisca Herrera Garrido

Cando eu era rica
 
Tiven unha casa guapa,
E loscín roupas, e eito:
E os amigos (qu'eran moitos!)
Recricábanme o sombreiro...
Camiñaba sobre rosas,
E durmía en terciopelos.

Como o mundo xira e xira,
¡Coulleume a volta do veo!
E levo roupas turbiñas;
E m'acolle un pardiñeiro.

Os amigos, (que son poucos...)
A costipación temendo,
van de presa, e non reparan...
Gasto zocos, e rouceo
Sobr'as charumelas muschas:
Adormezo en probe leito...

Meus traballos non me doen;
¡Ben o sabe Dios do Ceo!
Inda mais, bendizo un dano,
Qu'aprendeume o mal alleo:
Ora dóenme os ispidos!
Ora choro c'os famentos,
Que camiñan sobre espiñas
E n'atopan un palleiro,
Onde-o corpo, arripiado,
Arrecade refuxelo.

¡Mal pocado, meus probiños!
¡Meus filliños...! Canto peno
Por non tér lugar pra todos
N-a estreitez do meu celeiro!
Porqu'a miña bica, moura,
Para vos non dé roleiros;
(¡Ouh, meu Cristo! quen poidera
Bendecila c'os teus dedos!)
E non presten miñas xergas,
Pra vos alfonxar, un lenzo!
 
Camiñades po-los toxos...
Vos magoades sobr'os rebos...
¡Soyo son disgraciadiña,
Por non tér con qué válér-vos!

¡Ay! se de prata tornárase
A cruz do remordemento!
¡Canto, feito, non fixera!
¡Canto fixera, non feito!

"Frores do Noso Paxareco", Francisca Herrera Garrido

(Francisca Herrera Garrido nasceu no dia 6 de Março de 1869. Morreu no dia 4 de Novembro de 1950.)