Avelino Díaz 5

Miña patria!

¡Galicia, miña patria ben amada!
deleitoso pensar da miña mente,
imán do meu corazón, xoia preciada,
divinidade da que son crente
pra culto che rendir devotamente.

Dend-a terra lonxana, en que vivindo
morro, os ollos da alma estante vendo,
i-ás fadas benfeitoras vou pedindo
que me fagan volver a ti, qu-en indo,
satisfeito verei cando pretento.

Miña voz engustiada d-emigrante,
voando vai a ti nas áas do vento;
é a voz augural d-un fillo amante
que, prena d-emoción, de moi distante
quer falarche d-amor con doce acento.
[...]

"Debezos", Avelino Díaz

(Avelino Díaz nasceu no dia 14 de Novembro de 1897. Morreu em 1971.)

Avelino Díaz 4

Unha rosa

Unha rosa para ti, Rosalia

con galega fidel devoción,

en homenaxe das rosas nacidas

na verde roseira

do teu corazón.

Unha rosa de cor d'alborada

que sinada de gracia naceu

coma ti, que nachiste sin nada

pra ser maioraza

da gracia de Deus.

Avelino Díaz

(Avelino Díaz nasceu no dia 14 de Novembro de 1897. Morreu em 1971.)

Avelino Díaz 3

As xestas

¡Teño unha fonda tristura,
teño ganas de chorar!
Hoxe tiven desacougos
ó ver xestas n-este chan.

¡Que relembros me viñeron,
que deseios de voltar
outra vez á terra miña
ver xesteiras e toxais!

¡Xesteiras de Santacomba,
codeseiras dos Xuncás,
queirogales de Candedo,
toxales do Valdacal!

¡Xesteiras de Santacomba,
donde andiven de rapaz,
toxal da serra de Meira,
quén vos puidera mirar!

¡Verdes chailas da Gadella,
silveirales de Lodás,
fieiteiras de Paredes,
xungueiras de Fumiñá!

¡Ai, cousas da miña terra,
quén vos puidera mirar!
¡Ai, tempos que se me foron!
¡Galicia! ¡Que lonx-estás!

"Debezos", Avelino Díaz

(Avelino Díaz nasceu no dia 14 de Novembro de 1897. Morreu em 1971.)

Avelino Díaz 2

Medo

Tiven polo mundo adiante
muito medo a me perder
e, cando me tope en Meira,
non teréi medo a morrer.

"Debezos", Avelino Díaz

(Avelino Díaz nasceu no dia 14 de Novembro de 1897. Morreu em 1971.)

Avelino Díaz

Río Miño

Quem dixo, craro río Miño,
que naces em Fimuñá,
se xunt-a Monterredondo
xa pasas feito un rapaz?

Se xa na Ponte de Meira
semellas ser un lanzal
mozo, que canta as cantígas
i-ó lonxe vai troulear!

Eu sei que, sendo inda neno,
cando escoitas as campás
de Meira, na Veiga d-Horta,
aprendes a rezar.

E sei tamén de que tés
o teu bercio máis atrás,
aló na serra de Meira,
d-Irima no Pedregal.

E, den-ali, como todo
galego qu-ha d-emigrar,
xa sales dicindo um prego,
ou ben, um doce cantar.

Despois, no longo camiño
pol-a terra galicián,
es um meirego que marcha
camiño de Portugal.

Por esso, porqu-és meirego,
por esso te quero máis.
(Quizabes tuas augas levan
as bágoas de miña nai!)

Cando chegues, río galego,
ás costas de Portugal,
rolando en limpas maréias
voltas ás praias galiciáns.

Volve, río Miño, volve,
que o galego que se vai
po-los vieiros do mundo
sempre teima de voltar!

Avelino Díaz

(Avelino Díaz nasceu no dia 14 de Novembro de 1897. Morreu em 1971.)