Ramón Armada Teixeiro 4

[...]
N'o pasadoiro d'a cruz
xureiche cariño eterno;
y-eu cristiano, nin de morto
faltaréi ô xuramento.

Sempre hermosa, verde sempre,
¡qué terra a miña terriña!
ben se dice n'os cantares:
despois d'o ceo, Galicia.
 
Non viven as maravillas,
pr'o amor, máis qu'unha noite;
e índa así n'as asemellas,
qu'eres en cobizos, probe.

Buscando amigos n'o mundo,
cruceino de banda á banda;
tardei, desde mozo á vello,
cand'os vin... ¡moeda falsa! 
[...]

"Aturuxos", Ramón Armada Teixeiro

(Ramón Armada Teixeiro nasceu no dia 14 de Setembro de 1858. Morreu em 1920.)

Ramón Armada Teixeiro 3

[...]
¡Non chores! Eu vou â guerra
porque España me percisa;
si morro por seu honor,
¡bendita a morte! ¡bendita!

Chincharras e verderoles,
pardillos, mérlos, serís;
apadrinade o meu canto:
¡qué non s'esquenza de mín!

Respirou, c'o teu alento,
y-o pampallár tivo vida,
¡quén morre, si a menciñeira
con groria fái a menciña!

Pr'os páxaros, n'un bimbe,
puxéche visgo,
y-a pouco, prisioneiro
fói un pardillo;
sorte d'o diaño:
por ter tan linda dona
fora eu escravo
 
Desfeita sua nái en pranto,
mil bicos lle daba ô ánxel;
cando él non volveu en sí,
¡quén fái conta de milagres!
[...]

"Aturuxos", Ramón Armada Teixeiro

(Ramón Armada Teixeiro nasceu no dia 14 de Setembro de 1858. Morreu em 1920.)

Ramón Armada Teixeiro 2

[...]
Hermosa d'a ribeira,
míncha d'a praya,
qu'os meus amores todos
n'o peito gardas;
dame un suspiro,
qu'eu bogo n'a marëa
d'o teu cariño.

N'a fror que levas n'o peito
vexo de lonxe un papulo;
por ter, hastr'os vermes teñen
mais dichas qu'eu n'este mundo

Dándolle forma â belleza
un pimpolo fixo Diós,
e n'él puxo as gracias todas,
y-a muller gallega fói.
 
¡Non chores! Eu vou â guerra
porque España me percisa;
si morro por seu honor,
¡bendita a morte! ¡bendita!
[...]

"Aturuxos", Ramón Armada Teixeiro

(Ramón Armada Teixeiro nasceu no dia 14 de Setembro de 1858. Morreu em 1920.)

Ramón Armada Teixeiro

Collendo alcacér pr'o gado,
Cantabas un a-lá-lá;
y-os paxariños decían:
¡qu'hermosura de cantar!

Non busques, qu'eiquí n'alcontras,
pr'os meus delores menciña;
fan falta os áires d'a patrea
y-está muy lonxe Galicia.

Si son reises os caciques
y-o vicio ô mundo goberna,
¡qué vida a vida d'os probes!
¡Xusticia! quén en ti pensa!

N'a cancela d'o pinar,
chorando, díxenlle ¡adiós!
e desde entonces, ferido
levo sempre o curazón.

Vír ô mundo n'unha inclusa,
sin nome y-orfo ¡qué triste!
nái qu'esquence ôs seus ¡qué noxo!
e pr'a concencia ¡qué crime!
[...]

"Aturuxos", Ramón Armada Teixeiro

(Ramón Armada Teixeiro nasceu no dia 14 de Setembro de 1858. Morreu em 1920.)