Antonio Fernández Pérez 4

A verdade é que nos divertiamos. De dez a doce practicando remo no lago de Calamuchita; de tarde, pescando bagres e bogas insulsas; e de noite, logo da merenda a base de embutidos, bailando a media luz na terraza do chalé.

"Crónicas de Onte e de Hoxe", Antonio Fernández Pérez 

(Antonio Fernández Pérez nasceu no dia 22 de Junho de 1909. Morreu em 1999.)

Antonio Fernández Pérez 3

Collín o cinseiro da mesa de noite e tireillo á cara. O cinseiro é de aluminio, livián coma papel de fumar. Lástima que non fose de ferro.
Onte de mañá volveu ó meu cuarto, esta vez en rutinaria visita médica. Non tardamos en reanudar o altercado da víspera, pero agora era eu quen levaba a batuta e lle cantaba as corenta. Díxenlle tantas que por fin o provocador saíu botando muxicas.

"Crónicas de Onte e de Hoxe", Antonio Fernández Pérez 

(Antonio Fernández Pérez nasceu no dia 22 de Junho de 1909. Morreu em 1999.)

Antonio Fernández Pérez 2

A partir deste momento non necesito tomar apuntes das leccións ás que veño asistindo na Escola Politécnica de Maipú. A miña amiga Tota Padín ofreceume o gravador electrónico que ela xa non necesita. Así que o meu caderno de follas raiadas, que eu pensava encher con apuntes de literatura arxentina, podo utilizalo desde hoxe para ir anotando nel as contraposta impresións que a presencia dun enigmático viaxante de comercio nos causou e nos continúa causando a partir da hora en que apareceu na nosa casa feito un coitadiño.

"Crónicas de Onte e de Hoxe", Antonio Fernández Pérez 

(Antonio Fernández Pérez nasceu no dia 22 de Junho de 1909. Morreu em 1999.)

Antonio Fernández Pérez

Aquela tarde, ben a meu pesar, vinme obrigado a iludir a reportaxe de rigor. O espacioso salón do Círculo Mercantil estaba ateigado de xente cando eu cheguei, trinta minutos despois da hora estipulada. A culpa foi daquel maldito taxi, que me deixou a pé no medio do camiño.
Xa no vestíbulo de vistosos mármores, um bedel uniformado preguntou que desexaba.
- Falar co presidente da Comisión - respondinlle.
- De parte de quen?
- De Ramón Cudeiro.
Entón o home fixo unha venia de cortesía. Tal vez pensou que se estaba vendo de frente co autor premiado, pois a verdade é que eu ía "da súa parte"...

"Terra Coutada", Antonio Fernández Pérez 

(Antonio Fernández Pérez nasceu no dia 22 de Junho de 1909. Morreu em 1999.)