Día da Patria Galega 2020

A Galiza no peito

Levo a Galiza no peito,

o carvalho milenário,

a areia quente do Brasil,

a rosa de Portugal.

Levo a Galiza no peito,

o carvalho milenário,

a máscara mágica de Angola,

o Índico azul de Moçambique.

Levo a Galiza no peito,

o carvalho milenário,

o branco arroz de Macau,

as espécies perfumadas de Goa.

Levo a Galiza no peito,

o carvalho milenário,

as belas ilhas aligato,

a cálida selva de Timor.

Levo a Galiza no peito,

o Atlântico africano,

as estrelas de Cabo Verde,

a lua da Guiné-Bissau.

Levo a Galiza no peito,

o carvalho milenário

de longas raízes,

perdidas no infinito

do mar e da terra. 

Manuel Meixide Fernandes

(Hoje, 25 de Julho, é Día Nacional de Galicia, também conhecido popularmente como Día Nacional da Galiza ou Día da Patria Galega)

Día da Patria Galega 2019

O Día de Galiza

Non imos matar mouros,
meus irmáns, por favor,
(aínda que o consello nestes tempos
carece de valor)
non imos, non, tras un cabalo branco
e unha espada fulxente coma o sol,
un e outra guiados
polo brazo forzudo dun siñor
que amorado dos iberos guerreiros
as delicias do ceu abandonou

Deixemos que as mesetas,
irtas e trigueiras,
ergan roxas bandeiras
a toque de trompetas,
que pra nós abonda
un sinxelo altar
nunha furna fonda
da beira do mar,
ou na soberana
pas dunha montana.

Nosoutros imos por un vieiro,
nosoutros imos por unha estrada
que o paso lene dun viaxeiro
con sangue quente deixou marcada.

E hoxe facemos festa
no meio do camiño,
sin desarrear a besta
nin beber moito viño;
queremos celebrar o noso día
baixo o agarimo de benina estrela,
sin mentar vanamente a valentía
que soio na ocasión debemos tela.

Gonzalo López Abente, "Decrúa"

(Hoje, 25 de Julho, é Día Nacional de Galicia, também conhecido popularmente como Día Nacional da Galiza ou Día da Patria Galega)

Día da Patria Galega

Canción pra cando se escoita falar castrapo

Ollade esa antroidada: son galegos,
xente do pobo, sinxela e moi normal.
Olládeos, como un fato de borregos,
falando o seu castrapo "tipical".

Esprésanse nunha estrana xerigonza,
van falando un idioma que non hai.
E sinten fondo reparo, gran vergonza,
en falar, como é debido, a fala nai.

Ollade ós moi paletos e cretinos
ladrando o seu castrapo por aí,
intentando ser lidos, cultos, finos
imitando ós "castizos" de Madrí.

Eles, probes, non poden ser culpados
polo seu idioma, tristeiro i anormal.
A culpa é de quen di: "Sede educados,
que falar galego está moi mal..."

Manuel María, "Canciós do Lusco ó Fusco"

(Hoje, 25 de Julho, é Día Nacional de Galicia, também conhecido popularmente como Día Nacional da Galiza ou Día da Patria Galega)