Xohana Torres 4

Có tempo húmido iso tan de todos:
que somos, que valemos. Unha tolemia
devóranos cando a vila se molla.

"Tempo de Ría", Xohana Torres 

(Xohana Torres nasceu no dia 22 de Novembro de 1931. Morreu em 2017.)

Xohana Torres 3

Vivir é só alzarse á dureza da hora
dende o recanto escuro
dalgún patio

"Tempo de Ría", Xohana Torres

(Xohana Torres nasceu no dia 22 de Novembro de 1931. Morreu em 2017.)

Xohana Torres 2

A catedral

Dime qué tes, ciencia da pedra.
Dime qué che botaron nas figuras.
Estás muda. Aléntasme a traducir a fala,
facultade romeira interminable.
Estás ríspida ata o ceo... e eslómbaste
pra conceder aínda, a vocal dunha tenrura única.

Muller, ti es muller, catedral chea de seos desgastados,
fada perdida cabo dun camiño.
Non ten apertas falsas a túa forma, feita na verdade.

Ábreme o peito abondo, sen enruga:
Quero soñar na exclamación tan varia;
quero laiar contigo, pedra en pedra;
quero sentirme farta, farta, cando revolva os fondos
desa tumba calada.

"Poesía Reunida", Xohana Torres

(Xohana Torres nasceu no dia 22 de Novembro de 1931. Morreu no dia 12 de Setembro de 2017.)

Xohana Torres

Manteño desde nena
esta impresión
de perder sempre o tempo.
¿Ser máis do que é posible?
Teoría de relatividade:
nada importante é relativo.
(E gritaba, Lola, Loliña, por Doniños
¡Lolaina! Só como terapia)
A estas alturas da vida
ando xa para atrás
como un cangrexo.
A morte é unha asfixia gradual;
ao final, ¿respirarei por branquias?
Ao final seremos todos
máscaras de ouro,
exquisitos cadáveres pasmados.
Nestes días estou como Verlaine
nun pazo de inverno.
Que difícil partir,
cando non temos alas de regreso.
Aí, Amalia Rodrígues,
meu fado de soidá.

Xohana Torres

(Xohana Torres nasceu no dia 22 de Novembro de 1931. Morreu em 2017.)