Daniel Pernas Nieto 5

A Naiciña d'os Remedios

N-a fala da musa miña
e d'os versos n'as rudeces
hai unha frol sin espiña,
remanso pr'o que camiña
d'este mundo entre fraqueces.

Solece. Pelra orballada,
po-lo respiro d'aurora,
feitura d'o Ben, amada
d'as estrelas, coroada,
a que d'o mundo é Señora. 

Doíña; bágoa d'o Ceo,
tola d’amores, sin lixo
prendeo a Dios n-o seu seo,
co-as cordas d'aquel deseo
de querer canto Dios quixo.

Pech'a noite d'o pecado,
trem-a lus, i-o novo día
esquence tempo pasado
que s'amosa enguedellado
tras a impiedade qu'espía.

E mentras qu'aló lapea
en fogueiradas o Sol,
ten d'abondo quen non cea,
quen nos seus ollos estea,
sendo d'o mund'o remol.

A Dona, pomba sinxela,
trocou con Dios un biquiño,
i-en Nazaret unha estrela
olla o carreiro qu'ourela...
i-a Nai quedou n-o camiño.

"Fala das Musas e Outros Poemas", Daniel Pernas Nieto

(Daniel Pernas Nieto nasceu no dia 25 de Setembro de 1884. Morreu em 1946.)

Daniel Pernas Nieto 3

A velliña

Enriba d’a probiña van caindo
as folerpas d’a neve mainamente,
ela peta co’a moca n-os puxigos;
i-o gonzo ferruxente
as portas quedas ó seu paso deixa,
e soilo un can que a sente
de ves en cando lle responde á probe,
somellando decir queixosamente,
que a millor d’as virtudes mal s’atopa,
que d’a noite o relente
i-a mesma neve lle farán un leito
negado pol-a xente.

"Fala das Musas e Outros Poemas", Daniel Pernas Nieto

(Daniel Pernas Nieto nasceu no dia 25 de Setembro de 1884. Morreu em 1946.)

Daniel Pernas Nieto 2

Afirmación

N-o teu colo, ruliña mimosa,
tí que pasas bicándome a testa,
n-o teu colo quixera morrer,
ouh musa gallega.

Non cobizo d’as grorias a palma
nin adoito subir para véla,
si escabardo pra lonxe, Galicia,
teu nome m’alenta.

Anque os tempos trocándose van,
anque os campos sin brazos se vexan,
n-o peito gardarán os teus fillos
lembranzas d’o Celta.

Dos caciques malditos que sorben,
- esfamiados - o sangue das venas,
xa borralla farán os labregos
que sofren e penan.

Os encantos d’a nov’alborada
que remansa camiño d’aldea...
laparada que xurde n-os eidos,
Galicia, desperta.

"Fala das Musas e Outros Poemas", Daniel Pernas Nieto

(Daniel Pernas Nieto nasceu no dia 25 de Setembro de 1884. Morreu em 1946.)

Daniel Pernas Nieto

Salaios 

Por qué chora, preguntas a un bardo, 

d´a terra galega;
pois choro porque levo n-o peito
un feixe de penas;
porque as casas d´a miña terriña
inda non fumegan,
que soliñas, soliñas quedaron
n-o bico d´aldea,
i-agora non hai quen desbrave
as irtas restrebas;
miña terra, terriña querida,

que soia te quedas,

que os homes que inda non te conocen

así te desprécean

vindo logo de terras extrañas

sin sangue nas venas;

por qué choro, preguntas filliño,

porque non fumegan,

¡ai!, as casas da nosa terriña

n-o bico d´aldea.

"Fala das Musas e Outros Poemas", Daniel Pernas Nieto

(Daniel Pernas Nieto nasceu no dia 25 de Setembro de 1884. Morreu em 1946.)