Daniel Pernas Nieto 6

Pombiñas

 

Pombas, que tras d'o diñeiro,

fuxen deixando a terriña,

non volverán tan axiña,

non volverán d'o estranxeiro; 

xotadas d'un merendeiro 

trocan o lentor d'o seo

d'o seu fillo po-lo alleo, 

d'a pátrea po-la extranxeira, 

sin lembrarse d'a maneira 

que lles serviron desteo. 

 

Coitadas, entre froliñas

durmindo sonos dourados, 

soñan con deixar os prados, 

as xestas i-as abruliñas, 

e ben cravadas d'espiñas 

choran d'a terr'aleixadas,

ó verse tan aldraxadas 

por xente que sin concéncea

hastra lles roub'a inocéncea,

dempóis d'estar ben axadas. 

 

Mulleres, qu'os vosos lares 

deixades aí tan orfiños,

lembrad'aqueles airiños

que brúan entr'os pinares; 

lembrad'aqueles cantares,

i-aquelas veigas froridas,

i-as xesteiras tan garridas 

que solecen n-a montaña, 

e dempóis d'a terra estraña 

fuxide coas vosas vidas. 

 

Pombiñas, pombiñas, pombas, 

xotadas d'os vosos lares, 

volved'ós irtos lugares, 

volvede vivir ás lombas, 

volvede a xuntar n-as combas

froliñas d'o verde toxo,

pra logo d'o forno roxo

levalas á sementeira; 

onde dirán... estranxeira,

case tras o corpo froxo.

"Fala das Musas e Outros Poemas", Daniel Pernas Nieto

(Daniel Pernas Nieto nasceu no dia 25 de Setembro de 1884. Morreu em 1946.)