quarta-feira, 19 de fevereiro de 2020

Xosé María Díaz Castro 8

Cortina

Diante él unha muller, doce feitura,
i un fillo criado, única vitória.
Tras dél fragas zuando, paus, loucura,
e mozas coma rosas, longa hestória.

Ei Farruco da Rolda: Dame lume.
Terma aínda da lus que antre nós arde.
Pro non! Non tento máis que pedra e fume,
i en toda cousa se metéu a tarde.

Nesa tarde cargada de lorbagas
véu o Siléncio. Xa tras dél as fragas,
perdidas coma ovellas, a zuar.
Tras dél o fillo, a casa i a muller.
Morréu. Os bois volveron a pacer
e trálo arado as pegas a brincar...

"Nimbos", Xosé María Díaz Castro

(Xosé María Díaz Castro nasceu no dia 19 de Fevereiro de 1914. Morreu em 1990.)

Sem comentários:

Enviar um comentário