domingo, 20 de outubro de 2019

Belén Feliú 2

Como farol sombrizo entre dúas canículas

[...]
Daquela viñera en barco.
Sucede que con frecuencia teño pensamentos ou fragmentos de conversas que como frases roubadas a non sei que monólogo alleo viven en min, sacadas dun contexto ignoto mais que posúen o eco, a resonancia verosímil e nítida do real. E así, mentres o transatlántico me traía para Lisboa sorprendeume, apoiada na cuberta, ou no restaurante pequeno, unha teima que insistía en que o único traballo de Agatón consistía en estirar as sombras cara ao poñente. Como quen pasa o rolete estirando a masa no atardecer.

Belén Feliú

(Belén Feliú nasceu no dia 22 de Outubro de 1961. Morreu em 1997.)

Sem comentários:

Enviar um comentário