Avelino Pousa Antelo

Agoiro
 
Dos tempos pasados
grorias que se foron
no fondo da alma
gardadas están;
espranzas fuxidas
de tempos tristeiros,
sinos derradeiros
tocan a chamar...
Voltará da aurora
a luz temerosa,
e na Patria nosa
voltará a brilar
a branca bandeira
co azul do ceo
ó compás do vento,
¡doce libertá!
E nos nosos peitos,
e nas nosas vidas,
espranzas fuxidas
que retornarán
encherán a Terra,
encherán os ventos
con novos alentos
na terra e no mar.

Avelino Pousa Antelo

(Avelino Pousa Antelo nasceu no dia 14 de Maio de 1914. Morreu em 2012.)